Заев во пресрет на разговорот со Вучиќ негираше се
Објавено во: Македонија 23 Август, 2017
Премиерот Зоран Заев во изјава за српски „Блиц“, во пресрет на разговорот со српскиот претседател Александар Вучиќ, вели дека Македонија не направила ништо против Србија.
„Без никакви неинформирани или прерани заклучоци, го почитуваме и поддржуваме повикот на официјален Белград да ги заштитиме билатералните односи на Србија и Македонија и да воспоставиме стандарден кодекс на однесување. Се надевам дека во разговорот (денес на пладне) со претседателот Александар Вучиќ ќе ги решиме сите евентуални недоразбирања“, рекол Заев .
Премиерот во очи на денешниот состанок истакнува дека владата „силно е посветена на изградба на добрососедски односи со Србија“.
„Верувам дека единственот конструктивен пристап е отворен и директен дијалог за сите прашања и пронаоѓање на взаемно корисни решенија“, додал Заев.
На директното прашање дали македонската влада склучувала договори со албанското малцинство наспроти српските интереси, Заев тврди дека во прашање се „лажни вести“.
„Дозволете ми да бидам јасен, во нашата политика нема стратегија и политика на штета на Србија. Посветени сме на одржување и континуирана работа на јакнење на нашите билатерални односи со нашиот сосед Република Србија. Нашиот пристап на надворешната политика се заснова на политика на отворени врати на директен дијалог и добра волја која ќе ги реши проблемите наместо да ги создава. Сметаме дека тоа е најефикасен начин за изградба на добрососедни односи, соработка и партнерства“, вели Заев за „Блиц“.
Што се однесува до косовското прашање, Заев вели дека македонската влада „ќе настојува да изгради пријателски односи засновани на взаемна почит и јакнење на трговските врски“.
Потсетуваме, за денес на пладне е закажан телефонски разговор меѓу премиерот Заев и српскиот претседател Вучиќ по повод повлекувањето на српските дипломати од Скопје и обвинувањата на сметка на Македонија дека, во соработка со странска сила, спроведувала офанзивни работи спрема српските дипломати и му штетела на интересот на Србија.
Можеби ќе ве интересира
Малолетник од Тетово украл автомобил и направил сообраќајка
СПЕЦИЈАЛИЗАНТИТЕ И ДЕНЕС ШТРАЈКУВААТ - се уште нема конкретен одговор од надлежните, предизборниот период главна кочница
„ДИРЕКТОРОТ НА ТОКСИКОЛОГИЈА СИ ЈА ВРАБОТИЛ СНААТА“: Новинарот Фуркан Салиу со уште еден „упад“ во клиника, овој пат обвинува за непотизам на Токсикологија
ЕВЕ КАДЕ ГОРИ ВО МАКЕДОНИЈА: Евидентирани 22 пожари
КОЈ ПИЕ НАЈМНОГУ ВО ЕВРОПА: Изненадувачки податоци за Македонците, еве колку пијат
КАРПОШ ПОВТОРНО ВИСОКО НА ЛИСТИТЕ НА ИНВЕСТИТОРИТЕ – Охрид останува уште една „медина“ за градежниците, еве каде најмногу ќе се гради
ЕВРОПА СЕ „ДЕЛИ“ НА ДВА ДЕЛА, И МАКЕДОНИЈА ПРЕД ГОЛЕМ ШОК: До крајот на месецов не очекува значително студено време
ПРЕКУ ОТВОРЕН БАЛКАН СЕ БАРААТ СЕЗОНСКИ РАБОТНИЦИ И ЗА АЛБАНИЈА: Сезонава се очекуваат над 10 илјади туристи, а нема кој да работи
ГРАДОНАЧАЛНИКОТ НА ЧАИР ВО ГОЛЕМА ТАГА: Почина неговата мајка, тажната вест ја сподели на социјалните мрежи
