Заев за Н1: Овие лузни на моето лице се затоа што сум Македонец кој се борел за подобрување на правата на другите

Добивај вести на Viber

Овие лузни на моето лице се затоа што сум Македонец кој се борел за подобрување на правата на другите, помалку бројните народи и за мултиетничко општество, изјави премиерот Зоран Заев, во интервју за телевизијата Н1 . 

Според него, сите извлекоа позитивна лекција од оваа политичка криза. Вели тоа не треба да се случи никаде во светот веќе. 

Тој  изјави дека ги решил сите отворени прашања што ги имал со претседателот на Србија, Александар Вучиќ, по неговата изјава за македонското сценарио кое може да се прелее во Србија, но и по информациите кои велат дека поранешен член на БИА беше во Собранието.

Заев вели дека Србија немала влијание или лоши намери. 

„Се разбира, имаше коментари во претседателската кампања за македонско сценарио, но јас не навлегувам во тоа. Според сите извештаи, Македонија беше заробена држава, институциите не функционираа. Ние сите имавме работна вечера, лидерите на земјите од Западен Балкан. Исто така, беше претседателот на Србија, Александар Вучиќ, и тука си подадовме рака и продолживме напред. Исто така, беше премиерката Ана Брнабиќ, која отвори убава перспектива, што јас ја потврдив. Презедовме обврска која ја сакаат и нашите граѓани, а тоа е соработка и отворање на нови перспективи за граѓаните на Македонија и Србија“ - изјави Заев. 

Премиерот вели дека тргнале напред со цел да обезбедат подобар живот за сите граѓани.