Заев за Швајцарската радиотелевизија: По нас удираа со се што им се најде при рака
Објавено во: Македонија 01 Мај, 2017
Во интервју за Швајцарската радиотелевизија лидерот на СДСМ, Зоран Заев зборува за насилството во Собранието, за улогата на полицијата, идните потези и улогата на ЕУ во надминувањето на кризата, објави Дојче веле.
Заев во подолго интервју за Швајцарската радиотелевизија – СРФ раскажува како ги доживеал настаните од четвртокот вечерта.
„Тие бандити влегоа за да нѐ убијат. По нас удираа со сѐ што им се најде при рака“ - вели Заев.
На прашањето дали и полицијата била инволвирана, Заев одговара:
„Да, се разбира. Полицајци и пратеници на ВМРО ги отстранија металните шипки со кои вратите на Парламентот се обезбедени од внатрешна страна. На тој начин оние што протестираа добија можност да влезат во Парламентот. Полицајци и луѓе на ВМРО им го покажуваа патот за да можат да стигнат најбрзо што е можно до нас. По два часа полицајци професионалци дојдоа да ни помогнат. Нѐ однесоа во безбедна просторија од каде нѐ евакуираа. Но, до тој момент и овие полицајци немале наредба да интервенираат“ - изјави Заев.
Заев вели дека „големо мнозинство од полицајците сака да работи професионално, но тие мора да слушаат наредби“: