Захариева: Нема да и биде лесно на Владата на Македонија
Објавено во: Балкан 21 Јуни, 2017
Интересот е да ги зближиме позициите и да работиме за нашата заедничка европска иднина, изјави Екатерина Захариева, вицепремиер на правниот реформи и министер за надворешни работи на Бугарија.
Таа вели дека двете земји немаат интерес да одржуваат односи уште 25 години како што беше досега и дека работите мора да одат напред.
„Нема да биде лесно на Владата на Македонија. Со години водената антибугарска политика е факт, политичари и научни работници имаат таква свест, но пораките доаѓаат од политичарите. Ајде конечно да заврши овој бесмислен спор. Европска иднина значи вкупно празнување на нашата заедничка историја“- објасни Захариева.
Таа вели дека посетата на македонската делегација во Софија е историска и останува сосема малку до потпишувањето на договорот.
„Доверба меѓу двајцата премиери беше прикажана на високо ниво, но и треба да се работи на оваа доверба. Факт е дека Бугарија е добронамерна. Историски работите се случија, почнавме да го применуваме несклучениот договор однапред со посетата на споменикот на Цар Самоил“ - кажа таа мислејќи на поклонувањето што премиерите Бојко Борисов и Зоран Заев го направија пред споменикот во Софија.
Захариева потсети дека во текот на годините имаме добри практики и подобра апсорпција на прекуграничните програми кои се исклучително важни затоа што тие се врската помеѓу пограничните општини. Додаде дека за 2016 година имале над 500.000 туристи од Македонија и 350.000 Бугари кои патувале во Македонија.
Заев и Борисов вчера разговараа на повеќе теми, а начната беше и економијата и можностите за соработка, како и користење на искуствата кои Бугарите веќе ги имаат со проекти од ЕУ.