Залутан турист или шпион - Британец уапсен во касарна Илинден
Објавено во: Македонија 11 Октомври, 2017
Британски државјанин вчера е уапсен откако неовластено се движел во касарната Илинден и правел слики или видеа со неговата камера, по што се појавил сомнеж дека врши шпионажа.
Според МВР, вчера во 16.20 часот во полициската станица Карпош пристигнало известување од касарната Илинден дека е забележано лице, странски државјанин, како неовластено се движи во кругот на објектот. Тој бил приведен од воената полиција и било утврдено дека станува збор за К.Р.Џ. (30) од Њукасл, Велика Британија.
Поради сомнение за сторено кривично дело неовластено влегување во воени објекти и правење скици или цртежи на воени објекти и борбени средства, полициски службеници го лишиле од слобода британскиот државјанин, велат од МВР.