Добивај вести на Viber
Катерина Веловска, заменик министер за економија минатата недела на премиерот Никола Груевски поднела оставка од оваа позиција, пишува Дневник.
Веловска, како што напишала во оставката заминува од функцијата поради лични причини.
„Да се биде во оваа реформска влада беше чест и задоволство, но и огромна привилегија. За жал, од посебни и пред се многу лични причини приморана см да се повлечам од мојата функција Заменик министер за економија и да Ви ја понудам мојата оставка“, пишува во оставката која веќе е депонирана во Собранието.
На местото на Веловска, како што пишува Дневник, Груевски на пратениците веќе им предложил да дојде Христијан Делев, актуелен заменик директор во Агенцијата за странски инвестиции.
Делев, доаѓа исто така од редовите на владејачката ВМРО-ДПМНЕ. Тој пред само една недела од партиските тела беше избран да ја води партиската комисија за економија.
Инаку Делев, пред да биде заменик министер, беше и економски консултант во повеќе држави од Југоисточна Европа, а во периодот 2008 – 2009 година беше заменик министер за земјоделство, шумарство и водостопанство. Претходно беше и директор на Агро-берзата во Македонија.