ЗАПАДЕН БАЛКАН БИ МОЖЕЛ ДА ВЛЕЗЕ ВО ЕУ ВО 2 БРАНА: Во првиот две-три земји, а потоа останатите
Објавено во: Балкан 22 Јули, 2017
Професор од Универзитетот во Грац Флоријан Бибер смета дека влезот на земјите од Западен Балкан во ЕУ можел да се одвива во два брана, при што прво во унијата би пристапиле две или три земји.
Бибер во интервју за Танјуг и „Јуропијан вестерн Балканс“ вели дека е прашање дали дали причината е актуелниот „змор во проширувањето“ во самата ЕУ или недостаток на реформи во регионот како прашањето што е постаро-кокошката или јајцето.
„Не можете тоа да го разделите едно од друго. Нестостатокот на волја за реформи се заснова на фактот дека тие не гледаат награда во вид на членство во ЕУ...Граѓаните на ЕУ се скептични во поглед на проширувањето-но тоа не е прашање од врвен приоритет“, наведува членот на Советодавната група за Балканот во Европа (Balkans in Europe Policy Advisory Group - BiEPAG), кој интервјуто го дал во текот на Форумот за цивилно општетство одржан во Трст пред неколку дена.
Бибер смета дека проширувањето „не е нешто што граѓаните на ЕУ толку ги интересира, освен ако не говориме за Туција“.
„Не им се допаѓа баш, но не се ни нешто против. Кога владите на ЕУ повеќе би се ангажирале околу тоа, би можеле да го протуркаат. Но, на владите им одвлекуваат внимание сите други кризи, па тие не сакаат да вложуваат енергија и се фокусираат на она што сме сега сведоци“, оценува Бибер.
Запрашан за очекувањата од Берлинскиот процес и најавениот Берлин плус, тој вели дека „Берлинскиот процес никогаш не е сметан како нешто повеќе од поддршка за нешто друго, а тоа друго е проширување на ЕУ“.
Тој не може да стои сам по себе, може единствено да обезбеди поттик и да ги протурка работите во одредена насока. Никогаш не би имал претерано високи очекувања од Берлинскиот процес. Доколку му се промени калибарот, може да донесе резултати во одредени прашања, но потребен му е одреден редизајн. Потребно е да биде повеќе инклузивен“ смета Бибер.