Западен Балкан покриен со снег, кај нас засега само дожд

Добивај вести на Viber

Снежните врнежи и студеното време, кои во понеделникот го опфатија северозападниот дел на Балканскиот полуостров, предизвикаа сериозни проблеми во Словенија, Хрватска и Босна и Херцеговина. Хрватска беше покриена со снежна бура во понеделникот, што доведе до пауза во траектниот сообраќај и предизвика хаос на патиштата. 

Областите околу Капела, Слим и Горски котар беа најзасегнати.

Властите предупредија за опасност од одрони на патиштата, забрането беше движењето на камиони со приколки . Контролен пункт "Пасjaк" на границата на Хрватска со Словенија беше затворен. 

Ситуацијата во Словенија е комплицирана и од лошите временски услови. Сообраќајот на пат на Љубљана-Копер е отежнат. Снег падна во Сараево уште во понеделникот, но метеоролозите предупредуваат дека провејувањата ќе се засилат и ќе ги опфатат и останатите делови на земјата. Очекувањата се за формирање на околу 15 сантиметри снежна покривка. 

Температурите драстично паднаа, а во главниот град на Босна и Херцеговина паднаа под нулата. Жолта предупредувачка фаза останува во сила во земјата.

Во исто време, во Црна Гора сè уште е на сила црвен предупредувачки аларм, поради обилните врнежи, силните ветришта и грмотевици. Алармот важи низ целата земја. Облачно и ладно време ја опфати и Србија. Планините и високите делови на југозападниот дел на земјата се очекува да имаат снег.

Кај нас времето е претежно облачно со повремени локални врнежи од дожд, кои повеќе ќе бидат застапени во западните и северните делови.

Ќе дува слаб до умерен ветер од источен правец. Максималната температура ќе биде во интервал од 12 до 18 степени. Во Скопје температурата до 15 °C.