Запре падот на МБИ10 Индексот - По една недела за прв пат во „зелено“
Објавено во: Финансии 12 Февруари, 2018
По неколку дена на паѓање на вредноста МБИ10 индексот на Македонска берза конечно е во „зелено“, односно забележа мало зголемување и раст од 0.33%.
Денот МБИ10 индексот го отвори со 2752,49 поени со што е ставен крај на негативната серија која започна на 5 февруари и во речиси целата измината недела бележеше пад на вредноста.
Пазарната капитализација на десетте најдобро котирани акционерски друштва на Македонска берза кои се дел од МБИ10 индексот сега изнесува 86,3 милијарди денари со коефициент на добивка од 11,29 поени.
Годинава најголема вредност МБИ10 индексот имаше на 2 февруари со 2.841,60 индексни поени за потоа да почне да паѓа за десетина поени секој ден до денес.
Х.С.