Затрупаниот италијански хотел изграден во национален парк
Објавено во: Свет 20 Јануари, 2017
Затрупаниот хотел „Ригопиано" од лавина во италијанската област Абруцо е единствениот изграден во националниот парк Гран Сасо, кој се протега на површина од 150 000 хектари во три области во централниот дел на земјата.
Во хотелот има спа центар. Комплексот е на 1200 метри надморска височина, изгледа како огромна колиба, во подножјето на планината.
Областа на објектот е 1300 квадратни метри. Хотелот е на три ката и е отворен во 70-тите години на минатиот век. Неодамна бил реновиран. Во хотелот има 45 соби и неколку станови за четири лица, како и надворешни и внатрешни базени.
Лавината, која го покри завчера стана причина за преместување на целиот хотелски комплекс со 10 метри. Огромната снежна маса го однела хотелот.
На страната на хотелот на Фејсбук, се појавија пораки на сочувство до блиските на жртвите.
Најмалку 4 лица загинаа како резултат на лавината. Меѓу 25 и 30 луѓе се исчезнати.
Амбасадата на Романија во Италија добила информација, според која тројца романски државјани, еден возрасен и две деца, се наоѓале во хотелот.