Добивај вести на Viber
Демократската левичарска партија (ДИМАР), која е најмалиот партнер во грчката коалициска влада се повлекува од коалицицијата. Како причина за ова го наведува несогласувањето за затворањето на националниот радиодифузер ЕРТ.
Со оглед на тоа што ДИМАР е најмала партија во трипартиската коалиција на премиерот Антонис Самарас, ако ја повлече својата поддршка, двете преостанати партии ќе имаат мнозинство од три места.
Според официјални претставници на Демократската левица, како што пренесоа грчките медиуми, министрите за правда и за административна реформа ќе ги поднесат своите оставки во текот на денов.
Суште не е потврдено дали партијата ќе продолжи да ја поддржува коалициската Влада на премиерот Андонис Самарас во Парламентот.
Повлекувањето на ДИМАР ќе го разгори стравот од политичката нестабилност и способноста на Грција да управува со својата должничка криза.