ЗАТВОРЕНИ ГЛАСАЧКИТЕ МЕСТА: Помала излезеност од првиот круг
Објавено во: Македонија 29 Октомври, 2017
Завршен е вториот круг од локалните избори на кои се гласаше во 35 општини.
Според невладините организации изборите поминале во демократски и фер атмосфера, додека првиот опозиционер Никола Груевски вели дека недемократска атмосфера и системски закани и уцени ги обележале овие избори.
„Демократска атмосфера, за жал, во текот на овој период не можеме да видиме. Колку имаше нерегуларности во првиот круг на гласањето, толку повеќе имаше во вториот круг“, порача Груевски.
Денеска локални избори се спроведуваа во 1 517 избирачки места во кои право на глас имаа 833 710 гласачи.
Во првиот изборен круг пак беа избрани градоначалници на градо Скопје и уште 45 општини.
Попладнево Државната изборна комисија сооошти дека излезноста до 17 часот била 43,83 отсто, што е помала од првиот изборен круг кога до истиот временски период изнесуваше 49,14 проценти.