Жбогар: Не е задача на дипломатите да кажат кои се излезите од сегашната ситуација
Објавено во: Македонија 26 Април, 2017
Не е задача на дипломатите да кажат кои се излезите од сегашната ситуација во Македонија, тоа е задача за домашните политичари, изјави евроамбасадорот Самуел Жбогар денеска при посетата на Штип.
За повиците за одржување лидерска средба вели дека дијалогот меѓу партиите треба да се одвива во институциите. Според него, секогаш е добро лидерите да комуницираат, нормално е тие да имаат контакти.
„Парламентот заседава и сметам дека таму имаат многу шанси за да дискутираат за проблемите. Сепак, би истакнал дека за нормално функционирање на државата, важно е да постои дијалог во институциите и да се гради авторитетот на институциите. Собранието е една од тие институции, а дијалогот меѓу партиите треба да се одвива таму“ – рече Жбогар.
Вели дека политичките прашања треба да ги решаваат лидерите.