Здружението на воените инвалиди од 2001 од Велес најде решение за Ќосето
Објавено во: Македонија 24 Февруари, 2018
Денес со писмено соопштение до медиумите, Здружението на воените инвалиди од 2001 од Велес информира дека донело одлука да се најде решение за споменикот на Андон Лазов Јанев Ќосето.
Претседателот на здружението, Стојче Гочевски вели дека тие планираат да се обратат до Советот на општина Велес да им помогне овој споменик да се донесе во Велес и да се постави на соодветно место.
„Тоа е револуционер кој и бил многу потребен за Македонија за зголемување на борбениот дух кај народот против Османлиите и предавниците кои зеле огромен замав против водачите на организацијата за ослободување на Македонија во тоа време. Нашата идеја е да дадеме иницијатива до Советот на Општина Велес да го побараат споменикот на Андон Лазов Јанев Ќосето да се донесе и постави во родниот град Велес, како што доликува за еден бестрашен лик, на еден револуционер кој го заштитувал народот ништејќи ги предавниците на водачите на организацијата за време на Османлиското ропство. За него има многу да се раскажува бидејќи бил храбар револуционер и заштитник на народот“, потенцира Гочевски во своето писмено обраќање до медиумите.