Зелена треска - Њу Џерси ќе ја легализира марихуаната

Добивај вести на Viber

Властите на сојузната држава Њу Џерси во САД се посериозно размислуваат да ја легализираат марихуаната на своја територија која веќе е дозволена за употреба во медицински цели.

Доколку дојде до ваков чекор Њу Џерси ќе биде една од најголемите сојузни држави во САД по Калифорнија која целосно ја легализирала марихуаната. Главните причини поради кои се размислува за одржување на референдум е позитивниот пример на Колорадо каде се собираат стотици милиони долари даночни приливи од продажбата на веќе строго регулираниот канабис.

Исто така сојузните држави кои воведуваат легализација на марихуаната за рекреативни цели потоа добиваат огромен број на туристи. Њу Џерси може да предизвика вистинска златна треска и да добие посети од Њујорк каде живеат десетина милиони луѓе, но и од останатите „соседи“.

Главниот исчекор граѓаните на Њу Џерси ќе треба да го направат есенва кога ќе се одржат нивните избори за Гувернер и Сенат, а кандидатите на Демократската партија кои сакаат да стават крај на владеењето на гувернерот Крис Кристи ветуваат дека ќе ја легализираат марихуаната за рекреативни цели со што би ја трансформирале целосно економијата.