23 Септември, 2017
0.5039
    ALK 7297.6    -0.03%     GRNT 870    -0.99%     KMB 2883.3    -1.59%     KPSS 485    -2.81%     KVAS 10670    -3%     MPT 30201    -2.58%     MTUR 4700    2.17%     OKTA 3300    10%     PKB 14500    0.07%     RZUS 120    -1.64%     SBT 2219.26    -0.89%     STB 938.54    -1.78%     STIL 134    3.08%     TEL 279    -0.49%     TNB 13300    0.4%     TPLF 1601    -0.32%     TTK 776    -3%

ЗЕЛЕНИ ПАЗАРИ: Чие е овошјето и зеленчукот кои ги јадеме и колку се квалитетни?

Објавено во: Агробизнис 08 Септември, 2017

Во Македонија на зелените пазари се нуди храна која генерално е од домашно производство, потврдуваат од Агенцијата за храна и ветеринарство, но и од Здружението на пазарџии.

Велат дека овошјето и зеленчукот се со македонско потекло, а од странство се увезува јужното овошје кое во земјава не се одгледува. Ванчо Новоселски, раководител на инспекциски сектор во АХВ вели дека на пазарите може да се најде и храна која е увезена од Србија, Косово или друга земја од соседството. Додава дека мониторинг на квалитетот се врши редовно.

„На секоја втора пратка која е од увоз се земаат мостри и се контролира квалитетот на храната. Оваа година имавме 36 контроли на храна од животинско и неживотинско потекло. Онаму каде имало забелешки, изречена е едукација и проблемот е отстранет“ – вели Новоселски.

Екрем Долек, претседател на Здружението на пазарџии објаснува дека на македонските пазари има храна која е многу квалитетна и е од домашно производство.

„За македонската храна не треба да се прави муабет. Таа е со исклучителен квалитет, можам да кажам на европско, па и на светско ниво. Овошје и зеленчук има во Македонија во изобилство. Се увезува само јужното овошје кое овде не расте, и раноградинарски култури додека да бидат нашите производи од пластеници, оранжерии, се увезува од Албанија. Но, за квалитетот во Албанија се зборува доста и таму затоа што употребуваат многу пестициди. Македонските производи се многу поквалитетни од албанските“ – рече Долек.

Долек додава дека тие како Здружение на оваа тема немаат забелешки, и потврдуваат дека граѓаните конзумираат квалитетна храна.

Ристо Велков од струмичко кој воедно е претседател на Сојуз синдикат на земјоделските производители објаснува дека тој лично се занимава повеќе со органско производство, но смета дека во земјава се произведува здрава храна.

„На терен се останати земјоделци кои веќе 50 години се занимаваат со оваа работа и си ја знаат работата. Мислам дека имаме здраво земјоделско производство“ – вели тој.

Додава дека поради економската немоќ  земјоделците поретко користат пестициди и инсектициди за прскање на овошјето и зеленчукот. 

Сања Атанасовска

Можеби ќе ве интересира

МЗШВ достави 13.580 барања до Бирото за судски вештачења за проценка на штетите од годинешните пролетни мразеви

МЗШВ достави 13.580 барања до Бирото за судски вештачења за проценка на штетите од годинешните пролетни мразеви

Министерот Николовски најави системски мерки за развој на пчеларството

Министерот Николовски најави системски мерки за развој на пчеларството

МЗШВ формираше Комисии за вршење на увид на настанатите штетите од невремето на 11-ти септември

МЗШВ формираше Комисии за вршење на увид на настанатите штетите од невремето на 11-ти септември

Климатските промени погубни за земјоделскиот труд - МЗШВ со конкретни мерки

Климатските промени погубни за земјоделскиот труд - МЗШВ со конкретни мерки

МЗШВ: Два милиони денари за реновирање на метеролошките станици во Демир Капија, Штип и Крива Паланка

МЗШВ: Два милиони денари за реновирање на метеролошките станици во Демир Капија, Штип и Крива Паланка

Стимулирање на трансферот на знаења и иновации во земјоделството

Стимулирање на трансферот на знаења и иновации во земјоделството

Исплатени 125 милиони денари за субвенции

Исплатени 125 милиони денари за субвенции

МЗШВ почнува со ревизија: Како се доделувало државното земјоделско земјиште под закуп?

МЗШВ почнува со ревизија: Како се доделувало државното земјоделско земјиште под закуп?