Земја каде пекарите ќе снемаат путер
Објавено во: Економија 14 Јуни, 2017
Пекарите се жалат на високиот скок на цените на путерот и дека тоа многу влијае врз нивниот профит.
Ова е закана за целата пекарска индустрија во Франција затоа што до крајот на годината може да има недостиг од путер.
„Цената на путерот кој е четвртина од состојките во француските пецива, е зголемена за 92% од почетокот на годината до мај“ - вели генералниот секретар на здружението на француски производители на кекси и колачи, Фабиен Кастание, објави Гардијан.
Зголемувањето на цената на путерот врши „неодржив економски притисок“ врз пекарската индустрија и дека ситуацијата ќе се „влоши во следните недели“ со силен ризик од недостиг од путер.
Портпарол на пекарската индустрија на Франција, Матје Лаб вели дека постои „реална закана“ од недостиг на путер до крајот на годината што може да предизвика паника на пазарот.
На растот на цената влијаеле ниските млечни приноси во Европа и особено во Франција со зголемена побарувачка на путер. Француските земјоделци се жалат дека за млекото што го продаваат добиваат помалку од износите на трошоците за негово производство затоа што Европа има залихи од околу 350.000 тони млеко во прав што ги урива цените.