Земја каде само 3.9% од граѓаните се без работа
Објавено во: Финансии 23 Октомври, 2017
Се топи невработеноста во Кина.
Стапката на невработеност во Кина се задржа под 4 проценти, објави кинеското Министерство за труд.
Околу 10,97 милиони работни места се отворени од јануари до септември годинава и невработеноста паднала на 3,95%.
Министерот за труд Јин Веимин образложи дека, иако бројките се во согласност со проекциите, на Кина и се потребни по 15 милиони нови работни места, имајќи предвид дека секоја година по 8 милиони лица влегуваат на пазарот на трудот само од факултетите.
„Ниската стапка на невработеност која ја постигнавме е главно резултат на новата интернет економија и претприемништвото, и е остварена и покрај општото забавување на економијата“- изјави Јин.
Бројките се објавени за време на петгодишниот конгрес на владејачката Комунистичка Партија. Премиерот Ли Кечианг изјави дека Кина отворила над 13 милиони нови работни места во градовите во 2016 година и дека нејзината цел е да ја задржи стапката на невработеност на помалку од 4,5%.
Но, глобалните аналитички центри се сомневаат во статистичките податоци објавени од кинеската Влада.