Жените работат речиси час повеќе дневно од мажите
Објавено во: Финансии 28 Октомври, 2016
Жените работат во просек 50 минути повеќе секој ден од мажите. За една година разликата достигнува 304 часа, или 38 дополнителни осумчасовни работни дена. Податоците се од извештајот „Global Gender Gap“ на Светскиот економски форум и го има предвид времето што мажите и жените го поминуваат на официјалната работа, плус работата дома.
Дамите во Индија работат во просек за 95 минути на ден повеќе од мажите и за една година се акумулира 72 дополнителни работни дена.
Слична е и ситуацијата во Португалија, каде разликата е 90 минути на ден и 68,5 дена во годината. Во Естонија овие индикатори се соодветно 70 минути и 53 дена, а во Италија - 60 минути и 45,5 дена.
Но има и земји во кои мажите работат повеќе од жените, и тоа се Холандија, Норвешка, Нов Зеланд, Данска, Шведска и Јапонија.
Максималната разлика во должината на работниот ден во корист на жените е регистрирана во Јапонија, каде што мажите работат во просек за 27 минути подолго од жените, а за една година на сметката им се наплаќаат 20 работни дена повеќе.