Зголемени, растечки и гарантирани каматни стапки за денарски депозити на 12, 24 и 36 месеци

Добивај вести на Viber

Традиционално во октомври, месецот на штедење, Охридска банка Сосиете Женерал подготви атрактивна понуда за своите клиенти кои сакаат да штедат во денари. Имено, од денеска па се до 26-ти ноември 2016 г., клиентите кои ќе ја одберат опцијата Депозит Прогрес добиваат одлични услови за штедење во денари, односно зголемени растечки и гарантирани каматни стапки согласно избраниот период на штедење.

Депозит Прогрес во денари е производ од портфолиото на Охридска банка Сосиете Женерал кој на клиентите им нуди можност за избор на различен рок на депозит, гарантирани и фиксни каматни стапки, кои во зависност од периодот на орочување на средствата, прогресивно растат по периоди: за средства орочени на 12 и 24 месеци, каматните стапки растат во четири периоди на секои 3 односно 6 месеци, додека за средства орочени на 36 месеци, каматните стапки растат во шест периоди, односно на секои 6 месеци.

Со новата понуда, каматните стапки на денарскиот Депозит Прогрес се зголемени, па така, клиентите кои ќе се одлучат за денарски депозит на 12 месеци, добиваат растечка каматна стапка во последниот период  до 4%. Клиентите пак, кои ќе ги орочат своите средства во денари на 24 месеци, добиваат растечка каматна стапка до 4,50% во последниот период на орочување.  Следствено на тоа, за денарски депозити на 36 месеци, на крајот од периодот клиентите ќе добијат каматна стапка до 4,75 %.

Минималниот износ на влог изнесува 15.000 денари, а клиентот добива можност и за дополнителни вложувања до максимални 100.000 евра во денарска противвредност.

Дополнително, на клиентите им е на располагање и уникатната услуга на пазарот за осигурување на депозит - Депозит Плус Осигурување, која им овозможува за 2 ЕУР месечно да го осигураат својот денарски депозит.

Есенската промоција во Охридска банка Сосиете Женерал е достапна за сите нови депозити во денари. 

Повеќе информации на www.ohridskabanka.mk и во сите експозитури на Охридска банка Сосиете Женерал.