Добивај вести на Viber
Златни резерви во вредност околу 200 милијарди долари, Централната банка на Германија ќе ги врати во земјата. Резервите во овој момент се наоѓаат во Соединетите Американски Држави и Франција, пишува германскиот деловен весник “Ханделсблат“.
Според пишувањата на овој весник, Бундесбанка планира во Германија да врати 1.500 тони злато кое се наоѓа во трезорот на Американската централна банка во Њујорк и 450 тони од трезорот на Француската централна банка.
Бундесбанка одбила да ги коментира овие наводи, но е соопштено дека ќе биде претставен нов план за управување со околу 3.400 тони златни резерви.
Најголемиот дел од германските златни резерви е однесен во странство во текот на Студената војна, поради страв од советска инвазија.