Добивај вести на Viber
Благодарение на зголемените резерви на злато и девизи, Централната банка на Швајцарија соопшти денеска дека во првите девет месеци од годината остварила речиси трипати поголем профит во однос на истиот период минатата година. Овие бројки овозможуваат увид во обемот и резултатот на стратегијата на банката за одржување на конкурентноста на швајцарските извозници и туристичката индустрија пред налетот на средства од странство, од инвеститори кои бараат сигурно засолниште од кризата. Банката спроведува стратегија на интервенција на пазарот поради спречување на раст на вредноста на швајцарскиот франк. Според соопштението на Швајцарската национална банка во девет месеци заклучно со септември е остварено консолидиран профит од 16,9 милијарди франци, наспроти 5,9 милијарди франци за истиот период минатата година. Резервите на злато во СНБ истовремено се зголемени за 6,2 милијарди франци или 24 проценти, додека девизните резерви се зголемени на речиси 10,3 милијарди франци од само 322 милиони франци, наведува Банката.
СНБ во првите девет месеци од годината во работењето со домашната валута остварила профит од 94,1 милиони франци, во однос на загубата од 147,5 милиони франци минатата година. Промената во работните резултати е поврзано со значителното зајакнување на швајцарскиот франк во текот на 2011 година, што ја принуди СНБ во септември минатата година да ја одреди горната граница на вредноста на домашната валута на 1,20 франци во однос на еврото. Со продлабочувањето на должничката криза во еврозоната банката беше принудена да купува големи износи на евра со цел да ја задржи вредноста на франкот на посакуваното ниво. Како последица на ваквата политика од почетокот на годината билансот на СНБ е зголемен од 158 милијарди франци на 509 милијарди франци.