Златото стави крај на тригодишната серија падови
Објавено во: Економија 05 Јануари, 2017
Златото стави крај на тригодишната серија падови и поскапе во 2016 година со 9,8%.
Среброто ја испрати минатата година со раст од 15%, а бакарот поскапе за околу 19%.
Во првото полугодие лани цената на благородните метали растеше, бидејќи Федералните резерви на САД останаа претпазливи, што се однесува до зголемувањето на каматните стапки. Така во јули, по референдумот за излез на Велика Британија од Европската унија, златото поскапе до двегодишен врв.
Во ноември сепак цената на златото се намали со близу 8%.
На 15 декември златото поевтини до 10-месечно дно, малку откако ФЕД ги зголеми каматите за 25 базични поени и сигнализира дека ќе ја затегнува монетарната политика побрзо отколку што планираше. Повисоките камати го поттикнуваат доларот и така валутата станува попривлечна за инвеститорите.
Кон 11 часот во вторникот златото забележа скромен пад од 0,03% до 1 151,35 долари за унца.
Среброто ја испрати 2016 година со раст од 15%, што е најголемото годишно поскапување од 2010 година.