Зошто Грција го одложи судењето на поранешните вработени во тајната служба Грујевски и Бошковски?

Добивај вести на Viber

Вторник е денот кога соседните служби ќе им судат на македонските бегалци.

Грција вчера го одложи судењето на екс вработените во Петтата управа Горан Грујевски и Никола Бошковски со образложение дека немало преведувач од грчки јазик на македонски јазик.

Пред лицето на грчката правда двајцата бегалци по кои МВР речиси повеќе од 80 дена трагаше со меѓународна потерница беа изведени вчера а Грција реши да ги гони  Грујевски и Бошковски за лажни патни исправи.

Да потсетиме дека пред три дена околу 15 часот Грујевски и Бошковски беа уапсени на аеродромот во Солун. Ги издале фалсификуваните пасоши кои не биле изработени добро, а оттаму тие планирале да летнат кон Будимпешта.

Македонските служби веќе покренаа постапка за екстрадиција, а дел од грчките медиуми пишуваа дека екс функционерот и вработениот во УБК може да бидат депортирани во државата кон крајот на ноември или на почетокот на декември.

Се дотогаш, Грујевски и Бошковски кои Специјалното јавно обвинителство ги гони за нелегално прислушување и за уништување на системите за прислушување ќе бидат во притвор во соседна Грција.

И официјално, македонското Министерството за правда и МВР добија известувања од Интерпол-Атина за Бошкоски и Грујевски  .