Зошто Меркел вели дека Европејците мора да ја земат судбината во сопствени раце?
Објавено во: Свет 29 Мај, 2017
Европа веќе не може да целосно да се потпира врз нејзините сојузници, изјави германската канцеларка, Ангела Меркел.
Oбраќајќи се пред околу 2.000 луѓе на изборен митинг во Минхен, Меркел директно не го посочи претседателот на САД, Доналд Трамп, ниту пак меѓународните несогласувања околу трошоците за одбрана или за политиката за климатските промени.
Затоа, како што додаде, Европа не може повеќе „целосно да зависи“ од САД и Британија.
Наведувајќи дека е важно да се задржат пријателските односи со овие две земји, таа додваа дека Европејците мора да ја земат својата судбина во „сопствени раце“.
Меркел индиректно ги наведе критиките од Трамп за финансирањето на НАТО и борбата против глобалното затоплување:
„Времињата кога можевме директно да сметаме на другите, се завршени во одредена мера. Тоа го искусив во изминативе неколку денови“ - вели таа.
Нејзините коментари дојдоа по неуспехот на земјите од Г7 да се договорат околу климатските промени и по острите критики на Трамп во Брисел за трошоците за одбрана на членките на НАТО.
Тој пред заминувањето од Сицилија, каде што се одржуваше самитот на Г7 уште еднаш повтори дека Соединетите држави плаќаат многу повеќе од другите земји во НАТО.
Трамп по враќањето од Европа во неделата на Твитер напиша:
„Штотуку се вратив од Европа. Патувањето беше голем успех. Напорна работа, но со големи резултати“.
За време не деветдневната прва негова турнеја во странство како претседател на САД, Трамп освен во Европа, престојуваше и во Саудиска Арабија и Израел.