22 Октомври, 2017
0.4364
    ALK 7595.8    0.62%     BESK 11000.07    -0.92%     KMB 2800    -0.01%     MKSD 232    0%     MPT 28032.26    -0.95%     OHB 5367.09    -1.52%     REPL 52500    -0.23%     RZLV 45    0%     RZUS 129    1.57%     SBT 2180    -2.64%     STB 940.91    -0.33%     STBP 680    0%     TEL 274.5    0.92%     TNB 13300    -1.48%     TTK 828    0.12%

Зошто над милијарда евра лежат по трансакциски сметки во трите најголеми банки ?

Објавено во: Анализа 31 Јули, 2017

Од сите пет милијарди евра депозити, над една и пол милијарда евра лежат по сметки во трите најголеми банки во земјава. На тие милијарда и пол евра не течат камати ниту пак тие се вложуваат во некакви инвестициски проекти, а да не збориме за тој потенцијал во контекст на корпоративните обврзници. Овие пари не обезбедуваат никаква развојна компонента и се голем товар за банките зашто се ризик. Од што се плашат Македонците па избираат наместо во вложување  на своите сметки да чуваат повеќе од милијарда евра кои може да им бидат достапни во секое време? Има ли визија новиот естаблишмент како да создаде клима за дел од овие пари да се ангажираат за создавање нова вредност?

Клиенти на трите најголеми банки во земјава : „Стопанска банка Скопје“, „НЛБ Банка“ и „Комерцијална банка“ на своите трансакциски сметки имаат повеќе од 1,5 милијарди евра! Ова се официјални податоци со состојба до крај на 2016 година кои ги доби „Фактор“ од извештаите на трите најголеми банки.

Тие пари ги чуваат граѓани и фирми во форма на депозити по видување што значи дека парите лежат по сметки на сопствениците на сметки и можат да се подигнат во секое време, односно не се орочени и нивните сопственици немаат никакви договорни обврски кон банките. Но заради тоа пак и не добиваат камати односно и да ги добиваат тоа се износи во промили од вредноста на внесените средства.

Во „Комерцијална банка“ на крајот на 2016 година клиентите по видување чувале 651,5 милиони евра односно 40,2 милијарди денари. Тоа е износ што во вкупната депозитна структура учествува со 45,9 отсто и е најголема поединечна ставка во споредба со краткорочните и со долгорочните банкараски депозити. Износот на депозити по видување на крајот на 2016 година е за 92,3 милиони евра поголем од износот на тие средства на крајот на 2015 година. Тој раст во најголема мерка се должи на априлската депозитна криза предизвикана од политичката состојба во земјава.

Во „Стопанска банка“ по видување на крај на 2016 година се чувале 402,1 милиони евра и тоа е 36 отсто од сите депозити. И во таа банка депозитите по видување се најголема ставка во депозитната маса. Во однос на 2015 година кога изнесувале 354,9 милиони евра депозитите по видување бележат раст од 13,3 отсто.

Во „НЛБ Банка Скопје“ депозитите по видување на крајот на 2016 година изнесувале 49 отсто од сите депозити односно биле 461,6 милиони евра. Тоа се безмалку 50 милиони евра повеќе од 2015 година односно имаат раст од 12 отсто. Нивниот раст е проследен со пад на учеството во структурата кај орочените краткорочни и долгорочни депозити. 

Р.Ф.

Можеби ќе ве интересира

„Бегаат“ од Влада, а пуштаат спинови за нови министри

„Бегаат“ од Влада, а пуштаат спинови за нови министри

Ахмети и Тачи од „смртни“ непријатели до нови партнери?

Ахмети и Тачи од „смртни“ непријатели до нови партнери?

ИЗБОРЕН ИНЖЕНЕРИНГ е изговорот на лојалистите на Груевски кои имаат јавен крах

ИЗБОРЕН ИНЖЕНЕРИНГ е изговорот на лојалистите на Груевски кои имаат јавен крах

Можат ли БЕСА и Алијансата да му го „загорчат“ вториот круг на Ахмети?

Можат ли БЕСА и Алијансата да му го „загорчат“ вториот круг на Ахмети?

Во кои скопски општини продолжува битката меѓу СДСМ и ДПМНЕ?

Во кои скопски општини продолжува битката меѓу СДСМ и ДПМНЕ?

Им смета што Миликије е од СДСМ, ама не и кога добиваат поддршка за Чаир, Тетово, Гостивар

Им смета што Миликије е од СДСМ, ама не и кога добиваат поддршка за Чаир, Тетово, Гостивар

Кога Груевски и ВМРО-ДПМНЕ ќе се соочат со реалноста за негова оставка?

Кога Груевски и ВМРО-ДПМНЕ ќе се соочат со реалноста за негова оставка?

Кој е „херојот“ што го победи Ѕинго во Кратово?

Кој е „херојот“ што го победи Ѕинго во Кратово?

Дали ДУИ има успешен прв круг на изборите?

Дали ДУИ има успешен прв круг на изборите?