Зошто некои во Мексико се радуваат на Трамп?
Објавено во: Свет 26 Јануари, 2017
Ако претседателот на САД, Доналд Трамп ги исполни заканите, илјадници работни места ќе бидат поставени на карта. За некои ова е голема можност.
„Немаме персонал“ може да се прочита на вратата на кафуле Corazon Santo во северномексиканскиот град Сан Луис Потоси, главен град на истоимената сојузна држава. Од отворањето на кафулето во некогашниот рударски и трговски град не поминала ни година, но бизнисот цвета. Келнерот Пастор Ортис не дозволува да си го расипува расположението од тоа дека претседателот на САД, Доналд Трамп им ја одзеде на локалните жители планираната голема инвестиција во автомобилската фабрика на Ford.
„Ние, Мексиканците, сме навикнати со кризи и лоши претседатели, ќе се справиме и со Трамп"- вели Ортис самоуверено за австрискиот весник Der Standard.
За државата, која се потпира на автомобилската индустрија и во последните години забележа економски раст од околу 5%, Трамп е катастрофа. Ако Трамп ги исполни заканите да воведе казнени царини за автомобили произведени во Мексико, во Сан Луис Потоси на карта се ставени инвестиции милијарди и 50.000 работни места. Во Охо де Агуа, село со 1.500 жители, оддалечено 45 минути од главниот град на државата, една третина од жителите имаат блиски во САД. Тие се загрижени дека парите кои им ги испраќаат оттаму ќе секнат.