Зошто падна рејтингот на Трамп?
Објавено во: Свет 29 Март, 2017
Рејтингот на претседателот на САД, Доналд Трамп е намален по минатонеделниот неуспех со предлог законот за здравствена заштита.
Oва го покажува анкетата на порталот „Политко“ со агенцијата „Морнинг консалт“.
Процентот на Американците кои ја одобруваат работата на Трамп оваа недела, според ова истражување паднал на 46% во однос на 50% од минатата недела.
По првпат во анкетата на „Политико“ и „Морнинг консалт“, повеќе гласачи сега не ја одобруваат неговата работа, отколку што се „за“.
Другите анкети се уште понеповолни за Трамп. „Политико“ пишува дека мандатот на Трамп од почетокот е под товарот на врските на неговиот тим со Русија.
Предлогот на Републиканската партија за замена на системот на здравствена заштита што го воведе претходникот на Трамп, Обама, минатата недела доживеа дебакл откако е повлечен од процедура во Конгресот, поради недоволната поддршка меѓу републиканците од крајната десница.
Укинувањето на популарниот Обамакеар беше едно од клучните предизборни ветувања на Трамп.