Зошто претставници на ВМРО-ДПМНЕ нема да се појават на координација кај Џафери?
Објавено во: Македонија 15 Мај, 2017
Од ВМРО-ДПМНЕ преку соопштение информираа дека нема да учествуваат на најавената координација во Собранието, која ќе се одржи денеска.
“Талат Џафери не е избран за претседател на Собранието на Република Македонија во законска процедура и пратеничката група на ВМРО-ДПМНЕ не гледа причина зошто би одговарала на покана која пратеникот Талат Џафери ја испраќа во својство на претседател. Со обидот да го изберат Талат Џафери за претседател, СДС ги погази и Уставот и законите и Деловникот за работа на Собранието. СДС секој ден со својата деструктивна и антидржавна политика манипулирајќи го македонскиот народ покажува дека не им е грижа за граѓаните, туку само да дојдат на власт по секоја цена“ - информираат од ВМРО-ДПМНЕ.
Ова е прва координација кај Џафери, а ќе се зборува за локалните избори затоа што мандатот на градоначалниците истекува денеска, и со тоа општините ќе бидат блокирани.