Зошто руските службеници нарачуваат сребрени чорапи?

Добивај вести на Viber

Министерството за вонредни ситуации на Русија распиша конкурс за набавка на 63.400 пара памучни чорапи со " нано- честички" , кои имаат антибактериски ефект. Како што пишува на официјалната веб-страница, вкупната цена на чорапите ќе изнесува 2,9 милиони рубљи ( 66.000 евра ). Според проектните документи, еден пар чорапи треба да чини 47,3 рубљи (околу едно евро). „Машките чорапи треба да бидат обоени со дополнителна технолошка операција со нано-модифицирана ткаенина која содржи сребрени честички, " пишува во објавата. Министерството претходно објави тендер и за купување на анти-стрес систем „Сензориум ", на фотелја за опуштање со „нулта гравитација " која треба „да генерира светлина, звук и вибрации. " Со ваквите тендери се занимаваат медиумите и јавноста, не само затоа што тие се необични, но и екстравагантни . На порталот за владините набавки често има обиди за нарачка на луксузни и скапи автомобили, раскошен мебел, скапоцени сувенири , сите на сметка на буџетот. Неодамна, во фокусот беше огласот на администрација на Краснојарск, која  бара реконструкција на тоалетите за службеници, по цена од 1,6 милиони рубљи ( 36.000 евра ). По скандалот , јавниот конкурс беше поништен. Во април оваа година беше објавена на веб-сајтот објава за купување мастики за џвакање за 17.000 рубли (390 евра).