Зошто се води војна за цената на нафтата?
Објавено во: Финансии 21 Октомври, 2016
Русија нема да игра улога на статист во конкуренцијата на глобалниот пазар на нафта. Ова го изјави интервју за италијанското издание Corriere Della Sera шефот на „Роснефт“, Игор Сечин, цитиран од агенциите.
„Што е поентата на сегашната ценовна војна? Мислам дека прво тоа е конкуренцијата за поделбата на нафтените пазари. И Русија во овој случај не смета да ја игра улогата на статист“, изјави Сечин.
Шефот на „Роснефт“ е исто така уверен во тоа дека времето на ниски цени на нафтата нема да продолжи уште долго. Иако „производителите, трговците и потрошувачите сега две години дебатираат и бараат спасувачки механизми за да се вратат на регулиран и стабилен пазар на суровината“.
Според зборовите на Сечин „враќањето на нивоата од претходно е неизбежно, доколку намалувањето на капиталните инвестиции во индустријата ќе доведат до дефицит на понудата, кој нема да биде можно побрзо да се компензира“.
Вчера, искажувајќи се пред Петтиот Евроазиски форум во Верона, Сечин прогнозира дека цената на нафтата во следната година и половина ќе надмине 55 долари за барел. При таква ситуација, според шефот на „Роснефт“, Русија ќе може да го зголеми производството за уште 200 милиони тони годишно.