Зошто Таравари остана без ингеренции да разрешува директори?
Објавено во: Македонија 22 Февруари, 2018
Арбен Таравари, градоначалникот на Гостивар од Алијансата за Албанците, остана без ингеренции да разрешува и именува директори на територија на општината која ја води во образовните институции откако ваква одлука донело Министерството за образование на Република Македонија.
Ова е една од ретките одлуки за одземање на ингеренции на локалната власт од страна на централната власт, па затоа како причини МОН ги наведе низата на неправилни решенија донесени од страна на Таравари.
Според решението на МОН, Таравари идните девет месеци ќе нема право да именува и разрешува директори на основни училишта во Општина Гостивар.
Министерката рече дека решението за одземање на надлежноста на градоначалникот
Таравари доаѓа по проверките на Државниот просветен инспекторат, бидејќи градоначалникот разрешувал и именувал директори надвор од законската постапка. Дескоска рече и дека се поништени сите решенија на Таравари за разрешување и именување на директори во училиштата во Гостивар.
Информацијата беше потврдена и во Собрание на пратенички прашања откако министерката Дескоска потврдно му одговори на пратеникот Рашиди.