Зошто златото ќе поскапува, без разлика кој е следниот претседател на САД?
Објавено во: Економија 21 Октомври, 2016
Продолжува поскапувањето на златото, ако републиканецот Доналд Трамп победи, и пократок скок ќе има ако победи Хилари Клинтон од демократите, прогнозираат аналитичарите.
Не е важно кој ќе биде следниот претседател на САД, златото најверојатно ќе излезе како победник, коментира Џорџ Милинг-Стенли, раководител на инвестициската стратегија за златото во State Street Global Advisors.
„Би очекувал одржлив пораст на цената на златото ако Трамп биде избран, и можеби помало времетраење ако победничка е Клинтон"- вели тој.
Трамп вети радикални намалувања на даноците и огромен скок на трошоците за инфраструктура, со образложение дека планот ќе создаде милиони нови работни места. Клинтон повика на зголемување на даноците за богатите. Таа ќе прогласи и затворање на „дупки" во корпоративното оданочување и други реформи кои би помогнале во финансирањето на нејзин сопствен план за инфраструктурни трошоци.