Зврлевски смета дека Законот за следење комуникации треба да се промени
Објавено во: Македонија 28 Март, 2017
Јавниот обвинител, Марко Зврлевски вели дека Законот за следење комуникации треба да се промени.
Тој кажа дека Македонија два пати била мета на скандал со прислушување што целосно го променило општествениот живот во Македонија.
„Системите за следење на комуникациите како средство се користат и се злоупотребуваат и од други земји. Токму поради тоа улогата на јавните обвинители треба да стане поизразена, со цел да се намалат ваквите злоупотреби“- вели Зврлевски.
На меѓународната конференција за следење на комуникациите организирана од ОЈО присуствуваа обвинители од регионот, претсрдателот на Врховен, Јово Вангеловски и претседателот на Советот на обвинители, Петар Аневски.
На настанот не беше покането СЈО, иако тие се формирани за да го расчистат нелегалното прислушување во земјава.