Зврлевски на „обвинителна“ собраниска клупа - Се бранеше дека не прифаќал влијанија

Добивај вести на Viber

Јавниот обвинител Марко Зврлевски доби можност пред пратениците на Собранието на Република Македонија да ја даде својата „одбрана“ и образложи дека со негово разрешување нема да се воведат никакви реформи бидејќи одлуката би била политичка.

– Нема никаква погрешно постапување во случајот „Македонска банка“, ниту пак во „Актор“. Јавниот обвинител не побара укинување на притворот на Сеад Кочан. Како јавен обвинител на Македонија се трудев на вработените да им обезбедам нормални услови за работа. На сите обвинители им обезбедив службени мобилни телефони. Смејте се, знам дека ви е смешно, но додека јас не дојдов, Основното јавно обвинителство немаше компјутери и телефони. Јас тоа го обезбедив. Работиме преку 40.000 предмети, истакна Зврлевски.

Зврлевски посочи дека никогаш не прифаќал никакви влијание и дека не го интересира политиката бидејќи совесно и стручно ја извршувал својата должност. Посочи и дека неговите претходници биле разрешени од исти политички, а не правни причини.

– Сите тие се разрешени поради тоа дека биле наводно нестручени и неспособни. Со моето разрешување нема да почнат реформите, ниту пак да се врати правдата во судството, вели Зврлевски.

Пратениците од мнозинството сметаат дека Зврлевски ги исполнува сите законски основи за разрешување, но пратениците на опозицијата застанаа во негова одбрана.