Зврлевски стигна на дневен ред, но утре ќе се расправа за разрешувањето
Објавено во: Македонија 11 Јули, 2017
По одолговлекувањето на расправата за разрешување на јавниот обвинител Марко Зврлевски оваа точка конечно стигна на дневен ред во Собранието, но седницата е презакажана за утре во 11 часот.
Претседателот на Собранието Талат Џафери само најави дека за оваа точка се пријавени голем број пратеници.
Денес пратениците сработија повеќе „задачи“ меѓу кои и изгласување на измени на Општите акти на Народниот правобранител – Правилникот за организација на стручните служби и систематизацијата на работните места, што треба да овозможи непречена работа на неколкуте канцеларии на Народниот правобранител низ државата. Овој предлог беше едногласно изгласан од сите присутни пратеници.