Ќе се намали ли производството на нафта: Колку резерви има од „црното злато“
Објавено во: Свет 23 Април, 2019
Продолжувањето на договорот на ОПЕК ќе зависи од нивото на резерви на "црното злато"
Геополитичките фактори и степенот на намалување на комерцијалните нафтени резерви можат да влијаат врз одлуката на ОПЕК да го ограничи производството на нафта во јуни.
Ова го изјави азербејџанскиот министер за енергија Парвиз Шабазов.
"Нивото на цените на нафтата во моментов се задоволителни, а усвојувањето нова одлука за намалување на производството на нафта на состанокот на Организацијата на земјите за извоз на нафта во јуни ќе зависи од неколку геополитички фактори и обемот на намалување на комерцијалните нафтени резерви", рекол министерот, пренесуваат руските медиуми.