Крадец со лаптоп „принудил“ банкомат да исфрла пари и избегал
Објавено во: Балкан 09 Септември, 2019
На сплитската полиција им беше дадена не многу
лесна задача. Тие требаше да соберат повеќе од 70.000 куни од банкомат веднаш
по бизарниот грабеж со лаптоп.
Покрај хрватската пошта во улицата Ловреска 22 во Сплит, еден човек дошол кај банкомат по полноќ и извадил еден дел од предниот панел над екранот за да се поврзе со затворени инсталации.
Тамошните медиуми пренесуваат дека, тој давал упатства од лаптоп на банкомат за да повлече пари. Парите излегле од банкомат, крадецот брзо ги собрал, но потоа следувало изненадување. Зад мажот се појавил чувар, бидејќи во меѓувреме се вклучил алармот за тревога. На прашањето од страна на чуварот дали му е потребна помош, крадецот не одговорил ништо и не изгледал како да разбрал. Почнал да бега, а додека трчал од кај него паѓале пари, но исто така продолжиле да излегуваат куни и од банкоматот. Полицијата, која пристигнала на местото на злосторството наскоро, собрала околу 70.000 куни, а стотици илјади куни наводно биле украдени од банкоматот.