Осумдесет тони македонско јагнешко месо со сомнително потекло завршило во Бугарија
Објавено во: Балкан 24 Април, 2019
80 тони јагнешко
месо од Македонија стасало на пазарот во Бугарија. Македонското месо е со
непознат печат, тврдат од Националната асоцијација за овци и кози во Бугарија.
Според асоцијацијата, македонското јагне е поевтино за 20 % од бугарското, но истото поради нејасниот печат би можело да биде опасно.
Сомнителното јагнешко месо доаѓа од калинца од Кавадарци, преку Грција а е наменето за три месни магацини во Софија, Добрич и Пловдив. За од таму да се дистрибуира низ цела Бугарија, пишуваат бугарските медиуми.
Симеон Караколев од асоцијацијата посочил дека месото е сомнително, бидејќи не било проверено од бугарските власти, туку од грчките. На голем дел од јагнешкото месо недостигал и печат.
За Велигден во соседна Бугарија се очекува околу 200 тони јагнешко да заврши на семејните трпези.
Бугарската агенција за храна и ветринарство ќе го испита потеклото на јагнето.