31 Март, 2020
0.0291

А1 Македонија за најмладите: Продолжуваат едукативните работилници од програмата „Интернетот не е само игра... Кликај безбедно“

Објавено во: Мои пари 14 Февруари, 2020

А1 Македонија со задоволство го најавува продолжувањето на  едукативната програма „Интернетот не е само игра... Кликај безбедно“, наменета за учениците од четврто одделение. Годинава, за разлика од претходните,  најмалите членови на А1 семејството имаат можност да го пријават своето одделение и да присуствуваат на работилниците организирани во просториите на компанијата. Денес се одржа и првата работилница од овогодинешниот циклус за учениците од ОУ ‘11 Октомври’, предводена  од страна на волонтери - предавачи вработени во А1 Македонија.


„Големиот интерес од страна на учениците, наставниот кадар во основните училишта како и на родителите на ученици од четврто одделение вработени во А1 Македонија, не поттикнаа и оваа година да продолжиме со организација и предавања на темата безбеден интернет. Секој родител во соработка со училиштето има можност да пријави паралелка или цела генерација четврдоодделенци за реализација на едукативната работилница во просториите на компанијата. Горди сме што со оваа програма придонесуваме кон едукација на најмладите и кон нивна соодветна подготовка за иднината и дигиталниот свет и што уште еднаш ја потврдуваме својата јасна определба да вложуваме во заедницата каде работиме и живееме,” - изјави Емилија Зографска, од одделот за Корпоративни комуникации на A1 Македонија.


Целта на проектот е едукација на учениците за подобро и паметно користење на интернет, како да се заштитат од можни опасности при користењето на интернет и социјални мрежи, како и подигање на свеста на пошироката јавност за етичко и одговорно однесување при користењето на интернет. Преку различни алатки, програми и тренинзи, учениците стекнуваат неопходни компетенции за нивно активно вклучување во општественото живеење во ерата на дигитализацијата. Во рамките на 60-минутните предавања, волонтерите од А1 Македонија, на интересен и забавен начин, преку практични примери и ситуации, на децата им ја доловија суштината на интернетот, со особен фокус на безбедноста при користењето.  


За проектот:

 Проектот започна во 2018та година на територијата на град Скопје, кога предавањата ги проследија повеќе од 700 четврто-одделенци, од 28 македонски и албански паралелки, а активно беа вклучени повеќе од 70 наставници, директори, педагози и психолози од училиштата.

 Поради успехот и потребата од ваков тип на работилници, во 2019та година проектот успешно продолжи да се одвива во 12 општини низ целата земја.

 Едукативната програма „Интернетот не е само игра...Кликај безбедно“ е добитник на признанието во категоријата “Однос кон заедницата”, што го доделува Координативното тело за општествена одговорност на претпријатија и Министерството за економија.

 Програмата се реализира во соработка со Министерството за образование на Република Македонија, а со одобрение на Бирото за развој на образованието. Дел е од иницијативата “Интернет за сите” на А1 Телеком Австрија Групацијата, која во Македонија започна во 2013 година. Со програмата досега се опфатени повеќе од 2000 ученици.


Можеби ќе ве интересира

Сауна во домот: Превентива од вируси и настинки

Сауна во домот: Превентива од вируси и настинки

Триглав со добри резултати во 2019 година

Триглав со добри резултати во 2019 година

#Останетедома, вежбајте со Неотел и Crossfit Skopje #Останетездрави

#Останетедома, вежбајте со Неотел и Crossfit Skopje #Останетездрави

Саниран дефектот во Пржино

Саниран дефектот во Пржино

MOZZART донира 50.000 евра на болниците низ целата земја за справување со коронавирусот

MOZZART донира 50.000 евра на болниците низ целата земја за справување со коронавирусот

Донација на OKTA од 50.000 евра за Министерството за здравство

Донација на OKTA од 50.000 евра за Министерството за здравство

Дел од Пржино без вода

Дел од Пржино без вода

Цвеќарите приморани да ги уништуваат производите

Цвеќарите приморани да ги уништуваат производите

Барање за итни економски мерки и помош за малопродажбата од Владата на РСМ заради спас на секторот

Барање за итни економски мерки и помош за малопродажбата од Владата на РСМ заради спас на секторот