АД ЕСМ го потпиша договорот за РЕК Осломеј од 80 милиони евра
Објавено во: Економија 16 Јуни, 2021
Сопствениците на турската „Фортис енеџи“ и бугарскиот „Солар Про“ денеска го потпишаа договорото со Владата и АД ЕСМ за јавно-приватно партнерство, откако го добија тендерот за трансформација на РЕК Осломеј во фотонапонска централа.
Проценката е дека двете компании ќе инвестираат 90 милиони евра во централата како дел од енергетската транзиција кон обновливи извори на енергија. Премиерот Зоран Заев рече дека станува збор за голем проект од 100 мегавати.
Фотонапонската електрана ќе биде конципирана како две постројки од 50 мегавати. АД ЕСМ ќе биде јавниот партнер, а директорот Васко Ковачевски рече дека македонската компанија не е должна да финансира ништо.
Според понудата, на ЕСМ ќе му припаднат 18,510 отсто од произведената електрична енергија, како што понудила „Фортим Енерџи Електрик“ и 18,010 отсто според понудата на „Соларпро холдинг“. Според Ковачевски, тоа би било 1,5 милиони евра годишно за АД ЕСМ.
- Станува збор за 35 години договор. Потоа приватниот партнер ќе го пренесе правото на сопственост на јавниот партнер во исправна оперативна погонска состојба. АД ЕСМ нема паричен влог, даваме само локација на стариот рудник, пристапен пат, комплетна анализа и балансирање на енергија како многу важна системска одлука. Приватните партнери се должни да склучат договори со 100 лица наши вработени за вршење на работи од стручната подготовка и квалификации, наведе Ковачевски.