АДСДП: Фирмата на братот на Мукоски понуди најниска цена
Објавено во: Економија 14 Декември, 2018
Фирмата „Атриум“ е избрана во транспарентна постапка, согласно законот за јавни набавки, велат од АДСДП во реакција до медиумите. „Атриум“ е фирма на Бобан, братот на пратеникот Крсто Мукоски. Последниот тендер вреди над 680.000 евра, а од 2015 година до сега ова е четврти тендер од АДСДП што го добива фирмата „Атриум“, а нивната вкупна вредност е 3,5 милиони евра
„Во целата постапка доследно и во целост е испочитувана постоечката законска регулатива. Фирмата е избрана во транспарентна постапка, согласно законот за јавни набавки. Според критериумите во тендерската документација и огласот за јавна набавка понуди поднесоа 4 економски оператори. На евалуацијата спроведена од страна на Комисијата за јавни набавки беше утврдено дека прифатливи понуди имаат двајца понудувачи кои беа поканети да учествуваат на електронска аукција. Со оглед дека критериум за доделување на договор за јавна набавка е најниска цена, по спроведената електронска аукција најниската понудена цена беше од фирмата „Атриум“, велат од Акционерското друштво за стопанисување со стабен и деловен простор.
Додаваат дека претходното работење на Атриум и извршувањето на неговите договорни обврски со АДСДП е предмет на предистражни дејства на надлежни државни институции.
„На денот на јавното отворање
на тендерот, за оваа фирма немаше објавено негативна референца на електронскиот
систем за јавни набавки, што
значи дека немаше законска пречка оваа фирма да учествува на тендери
за јавни набавки. Секое постапување спротивно на важечката законска регулатива, односно евентуално отфрлање на понуда без законска основа е спротивно на
законот за јавни набавки повлекува санкции, велат оттаму.