Адвокатот кој демантираше дека го спасува Груевски се жали за скратување на правата
Објавено во: Македонија 19 Ноември, 2019
Се одложи судењето за случајот Т.Н.Т поради инсистирањето на адвокатот Мерџан Даути да му преведе сè што било кажано од обвинителот, сведоците, одбраната досега за овие 2 години, сите материјални докази на албански јазик а затоа и доби дисциплинска постапка.
Судијата Огнен Ставрев вели дека станува збор за одолговлечување на овој предмет и најави дисциплинска постапка за адвокатот.Ставрев посочи дека ја известил адвокатската комора од каде добил известување дека за тоа ќе се поведе дисциплинска мерка против двајцата адвокати, едниот кој го откажал полномошното и другиот кој бара превод на документите.
Адвокатот Даути пак обвинува дека со ова му се скратени правата кои произлегуваат од Законот за употреба на јазиците.
Адвокатот Мерџан Даути, неодамна назначен за адвокат на една од обвинетите во случајот „ТНТ“ (Елисавета Најдовска) за уривањето на „Космос“ на Фијат Цаноски, во кој обвинет е и Никола Груевски, демантира дека не знае македонски, но потврди дека бара сите материјали од двегодишното судење да му бидат преведени на албански, повикувајќи се на Законот за употреба на јазици. Неодамна „САКАМДАКАЖАМ.мк“ го посочи назначувањето на Даути и неговото барање како „финта“ на експремиерот во бегcтво – Груевски , со цел да му застари делото.Според порталот, преведувањето на сите материјали би одземало повеќе од 6 месеци, период во кој 90 дена ќе нема судење, што значи истото ќе треба да почне отпочеток, што автоматски значи опacност од застарување на делата.