Aдвокатот на Јанева тврди дека таа е жртва
Објавено во: Македонија 21 Август, 2019
Осомничената Катица Јанева е жртва во случајот „Рекет", тврди адвокатот Стеван Павлески.
Адвокатот уверува дека ќе докаже дека Јанева е жртва.
„Таа коректно ја исполни својата граѓанска должност како сведок. Вчера не слушнав прашање за некакви 5.000 евра. Сѐ што бараше обвинителката, Јанева одговори. Сите прашања беа за случајот Рекет“, рече Павлески.
Обвинителството бара притвор за Јанева. Наскоро ќе се знае дали таа ќе замине во притвор. Адвокатот вели дека хумано би било да и дозволат на Јанева да оди во Гевгелија на погребот на нејзината мајка која денеска почина. Тој очекува судот да не го прифати барањето за притвор.
Судијата Седат Реџепагиќ, ќе решава дали специјалната обвинителка Катица Јанева ќе заврши во притвор, по нејзиното денешно приведување.