Ахмети се сретна со Швајцер Блум и Жбогар - за што разговарале?
Објавено во: Македонија 19 Мај, 2017
Во просториите на американската Aмбасада во Скопје, денеска претседателот на Демократската унија за интеграција (ДУИ), Али Ахмети, оддржа заедничка работна средба со заменик-амбасадорот на САД во Скопје, Микаела Швајцер Блум и амбасадорот на Европската Унија во Македонија, Самуел Жбогар.
Ахмети со нив разговарал за понатамошното развивање во однос на формирањето на новата реформска Влада.
„Првите чекори што ќе ги преземе новото парламентарно мнозинство се решавањето на застојот во локалната власт, како и укинувањето на екстерното тестирање како две непосредни прашања. Ахмети истакнал дека 16 години од неговите активности во рамките на ДУИ, никогаш немало разочарување во пријателските и добронамерните ставови на меѓународната заедница, затоа и побарал помош од страна на САД и ЕУ за да ги надминеме предизвиците пред нас и да помогнат за побрзо интегрирање на Македонија во НАТО и Европската Унија“ - пишува во партиското соопштение.