14 Април, 2021
0.0211

Акционери: Лажниот стечај на ТЕ-ТО е ништовен

Објавено во: Економија 06 Септември, 2019

Уште една потврда дека има сомнителни дејства во случајот со стечајот на ТЕ-ТО е тврдењето на Комисијата за хартии од вредност дека постојат основи на сомневање дека сметководителот и независните ревизори постапиле спротивно на Законот за хартии од вредност, велат акционери на Топлификација друштво кој е доверител во друштвото за кое веќе има и кривични пријави од Финансиската полиција. Тие не се откажуваат од намерата да докажат дека има низа неправилности во овој случај и дека се оштетени.

„Прашувам зошто и покрај ваков јасен случај за криминал со вакви огромни размери со докази кога еве и КХВ признава дека тука несомнено е направен криминал и акционерите се оштетени. Обвинителите молчат и не прават ништо иако ги имаат сите документи. Чудно е што иако пријавата е од 30.05.2018 година се уште нема ништо и се обидуваат да играат пинг понг односно самите да се прогласуваат за ненадлежни односно да го предаваат предметот од ОЈО во Обвинителството за организиран криминал и обратно, што е кривично дело, вели Ивица Стојановски акционер од Топлификација.

Тој објаснува дека спогодбите меѓу Битарр Холдингс Лимитед, акционер во ТЕ-ТО АД и акционерското друштво ТЕ- ТО АД се ништовни и дека тоа треба да му биде јасно и на правник приправник. Сепак како што вели Стојановски, за судијата кој го водел лажниот стечај на ТЕ-ТО АД и за мнозинството судии од советот во Апелација се било законски, со што тврди Стојановски, тие легализирале грабеж од 150 милиони евра колку е вкупниот отпис во овој лажен стечај.

„Акционер во акционерско друштво може да има деловни односи со акционерското друштво во кое е акционер. Доколку акционерскиот удел на акционерот во акционерското друштво е до 20 проценти за тие деловни односи одлуки носат раководните органи на акционерското друштво. Доколку акционерот има акционерски влог во акционерското друштво поголем од 20 отсто, тогаш за таквите деловни односи помеѓу акционерот и акционерскотодруштво одлука мора да донесат другите акционери во акционерското друштво, а акционерот учесник во деловниот однос е исклучен од одлучување. Во ТЕ- ТО АД акционерската структура е едноставна: Битар Холдингс Лимитед има 89,2 отсто, Топлификација АД има 10,8 проценти. Значи за да спогодбите согласно кои се менуваат датумите на достасување на заемите на Битар Холдингс Лимитед се валидни, истите требало да ги одобри Топлификација АД, како единствен малцински акционер, вели Стојановски.

Според него и другите акционери, стечајниот судија веднаш требало да ја одбие постапката за стечај, а советот на апелација да ја преиначи пресудата на стечајниот судија.

„Спогодбите за предвремено достасување на обврските на ТЕ ТО АД кон Битар Холдингс Лимитед се ништовни, а согласно тој факт и лажниот стечај е ништовен. Ако тоа му е јасно на правникот приправник, сигурно му е јасно и кои се виновниците за овој незабележан грабеж реализиран со одлуки на стечајниот судија, потврдени од мнозинството судии во советот на апелација. Во конкретниот случај има повеќе други причини, овој лажен стечај ни случајно да не се процесира, но за жал истиот во моментот е правосилен, атоа значи штета од над 50 милиони евра за македонски фирми. Бидејќи е јасно дека оваа штета е настаната со судски одлуки, доколку истата не се наплати од ТЕ ТО АД, за што постојат повеќе можности, штетата ќе се побарува од Република Северна Македонија, завршува Стојановски.

А.Т.


Можеби ќе ве интересира

Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати

Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати

Генерали Инвестментс: Инвеститорите со долгорочни цели на заштеда потребно е да истраат

Генерали Инвестментс: Инвеститорите со долгорочни цели на заштеда потребно е да истраат

Објавен летниот распоред: Повторно директна авионска линија помеѓу Малта и Македонија по пауза од една година

Објавен летниот распоред: Повторно директна авионска линија помеѓу Малта и Македонија по пауза од една година

Валалница во Србија им дава бонус на работниците ако се вакцинираат

Валалница во Србија им дава бонус на работниците ако се вакцинираат

ЏЕК МА ЗА САМО ЕДЕН ДЕН ГО ЗГОЛЕМИ БОГАТСТВОТО ЗА 2,3 МИЛИЈАРДИ ДОЛАРИ: Доби „солена“ казна, па заработи уште повеќе

ЏЕК МА ЗА САМО ЕДЕН ДЕН ГО ЗГОЛЕМИ БОГАТСТВОТО ЗА 2,3 МИЛИЈАРДИ ДОЛАРИ: Доби „солена“ казна, па заработи уште повеќе

Предлог законите за финансиска поддршка на физички лица погодени од пандемијата во фокус на собраниските комисии

Предлог законите за финансиска поддршка на физички лица погодени од пандемијата во фокус на собраниските комисии

КОЛКУ ВРЕДИ СЕГА: Биткоинот „гази“ се пред себе и урива рекорди

КОЛКУ ВРЕДИ СЕГА: Биткоинот „гази“ се пред себе и урива рекорди

КОЛКУ ЌЕ СЕ ЗГОЛЕМИ ОВАА ГОДИНА К15 ЗА РАБОТНИЦИТЕ - Владата го достави до Собранието законот со кој тоа ќе им го олесни на работодавачите

КОЛКУ ЌЕ СЕ ЗГОЛЕМИ ОВАА ГОДИНА К15 ЗА РАБОТНИЦИТЕ - Владата го достави до Собранието законот со кој тоа ќе им го олесни на работодавачите

Било пандемија, па државата го одложи штедењето на енергија

Било пандемија, па државата го одложи штедењето на енергија