Ако има потреба повторно ќе требаат ПЦР тестови за Косово
Објавено во: Македонија 23 Октомври, 2020
„Ја следиме ситуацијата и имаме тесна соработка со властите на Северна Македонија околу ситуацијата. Сега границите се отворени, меѓутоа сакам да потенцирам дека затворањето на границите не треба да се сфати како огначувачкa меркa, туку како мерки за заштита од коронавирусот“, одговори Авдулах Хоти, премиерот на Косово кој денеска е во официјална посета на Македонија на прашањето за повтпрно воведување на ПЦР тестовите меѓу двете земји.
Премиерот Заев рече дека очекува интензивирање на политичкиот дијалог и одржување на веќе најавуваната прва заедничка седница меѓу Владите на двете земји штом условите ќе го дозволат тоа. Заев го поздрави договорот на Косово и Србија.
„Воедно даваме поддршка на дијалогот меѓу Белград и Приштина, кој е воведен од Европската Унија. Искрено посакуваме успех. Поддржуваме взаемно прифатливо решение кое ќе го гарантира и зацврсти мирот и безбедноста во нашиот регион, ќе овозможи просперитетна иднина за сите граѓани и ќе го забрза процесот на интегрирање во ЕУ.
Во оваа прилика сакам да ја искажам нашата искрена поддршка на Косово што поскоро да постигне напредок во интеграцијата кон ЕУ, преку Спогодбата за стабилизација и асоцијација, како и во добивањето на визна либерализација, рече Заев.