Ако патувате ова утро, еве каква е состојбата на патиштата
Објавено во: Македонија 20 Јули, 2019
Автомото сојузот на Македонија ги известува возачите дека сообраќајот на државните патишта се одвива по суви коловози. Интензитетот на сообраќај на патните правци надвор од градските средини е зголемен.
На граничниот премин Богородица чекањето за излез од државата
е од 30 минути до еден час. На останатите гранични премини, од македонска
страна, нема подолги задржувања за влез и излез од државата.
Исто така,од АМСМ потсетуваат дека е отпочнат електронскиот начин на наплата на
патарини, и дека од почетокто на овој месец тешките товарни возила имаат
забрана за движење во викенд на државните патишта, како и на патниот правец
Скопје-Охрид.
АМСМ препорачува прилагодена брзина на движење, почитување на поставената
сообраќајна сигнализација и внимателно управување со возилата, особено на
патиштата низ котлините, речните долини и клисурите, каде има можност од појава
на одрони.