Ако Заев ги прифати барањата на Касами и Села осуммината исклучени пратеници „ќе му откажат љубов“
Објавено во: Македонија 08 Јануари, 2019
Два дена ги делат пратениците од стартот на расправата за уставни измени. Во меѓувреме, премиерот Заев се наоѓа „растргнат“ меѓу две страни.
Осуммината пратеници кои опозициската ВМРО ДПМНЕ ги исклучи од партијата нема да му дадат поддршка на владеачкото мнозинство бидејќи нема да го дадат гласот „За“ уставни измени доколку Заев одлучи да му ја исполни желбата на Касами и доколку терминот „македонско“ се избрише од документите, бидејќи тоа е спротивно на гаранциите за јакнење на идентитетот.
За денеска пак е најавена средба меѓу Заев и Зијадин Села.
Беса бара и прецизирање на сите етнички заедници во дијаспората а партиите од албанскиот блок бараат албанскиот јазик да е втор службен јазик и етничката заедница да е дел од Преамбулата.
Последната фаза од уставните измени предвидени со Договорот од Преспа почнува во среда кога пратениците се враќаат на работните обврски.