Aко заминете во Германија, колкави месечни трошоци ве очекуваат?
Објавено во: Финансии 28 Февруари, 2019
Германија е земја каде изнајмување на стан ќе ве чини скапо доколку заминете на печалба.
Иван Ловриќ од Аленсбах во ново видео, кое го објавил на Јутјуб, објаснува колкави трошоци за живот има во Германија.
Јавниот превоз во земјата чини 100 евра или нешто над оваа сума.
Станот е најскап и најголем трошок во Германија. Тој лично плаќа 715 евра за свој стан кој има две спални соби и дневна, а тука во цената се вклучени и водата и греењето. Цените на становите во Германија се движат од 450 евра до 1500 евра месечно, зависи од локацијата и големината.
За собирањето на сметот се плаќа околу 14 евра месечно. Цената зависи од бројот на членовите во семејството, односно се плаќа од 7 до 16 евра месечно.
Семејството на Иван за електрична енергија месечно троши 56 евра. Тој вели дека годишно на струја може многу да се заштеди. Цената на електричната енергија се движи од 20 до 100 евра месечно, зависно од тоа дали поседувате стари или нови апарати во домот.
За интернет и телевизија се плаќа помеѓу 15 евра месечно, до 50 евра или повеќе, зависно од пакетот. Иван плаќа од 50 до 60 евра, но со оглед на тоа дека ја исклучил опцијата за германска телевизија наскоро ќе плаќа само 35 евра за брз интернет.